Tuesday, November 27, 2007

بعلم الوصول




شكلي كده حاقضيها اعلانات هنا- بس مش وحشة خالص الاعلانات - مادامت عن حاجات حلوة وتفرح
المشروع اللي بعلن عنه المرة دي اسمه بعلم الوصول
اتمنى تعجبكم الفكرة

بعلم الوصول:
هى مبادرة لنشر وتوزيع الأعمال الأدبية و الفنية للشباب من قصة قصيرة، شعر، مسرح، فوتوغرافيا و طباعة فنية..وكل الأجناس الفنية التى يصلح الكتاب كمساحة عرض لها.
ومن خلال تسارع إيقاع الحياة و تطور تقنية الإتصالات كانت الحاجة لتطوير شكل و مضمون الكتاب غير شكله التقليدى فى صور أقل حجما وأكثر تركيزا.

بعلم الوصول:
هى مطبوعة غير دورية تهدف لنشر اعمال الشباب الذين لا تتاح لهم فرص نشر أخرى وهى تصدر فى شكل مطوية تحمل رسالة المبدع إلى الجمهور؛ ولذى فهى توزع فى شكل رسائل بريدية على العناوين البريدية للمشارك



التفاصيل:ـ
بدل ماتنزل تدور على الكتب او الدواوين بتاعت صحابك او بتاعت الناس الجديدة الحلوة اللي بتكتب وبتحاول تعمل حاجة صادقة بدل ما تدور عليها في المكتبات ومتلاقيهاش حتلاقيها كل شهر توصلك على البريد بتاعك - عجباني الفكرة طبعا وهي من بنات افكار "محمد رجب" صديقنا الشاعر الجميل
والنهاردة حتكون فيه قراءة لاول عدد من السلسلة دي - "مشاهد عادية " لمحمد رجب
في جوتة (المعهد الالماني الثقافي)ـ
الساعة 8 مساء
للي يلحق طبعا يشوف البوست ده ويجي
على مدى 12 شهر سيصلك 12 كتيب فيهم كل مرة بوست كارد عليه فن تشكيلي او فوتوغرافيا لفنان شاب برده وفيه شهر حيبقى معانا فيه

music cd

لبعض الموسيقى للفرق الجديدة المستقلة

وكل ده قيمته 40 جنيه

للي عايز يشترك قراءة(كمتلقي يعني) او كتابة او فوتوغرافيا وفن تشكيلي

ولمزيد من التفاصيل






2 comments:

nael said...

حلو اوي
لكن هل فيه تفاصيل اكتر. يعني مين اللي نفذ ومين اللي بينشر المطبوعة دي؟

وازاي ممكن الاشتراك فيها ومبلغ الاشتراك يتم دفعه فين؟

:) جميلة المدونة فعلا

انا اسف على دخلتي الحامية دي

سلمى البنا said...

والله يا مراحب يا مراحب بالاستاذ نائل
منورالمودنة المتواضعة
والاشتراك سهل جدا - على فكرة تقدر تبعت ميل على العنوان اللي انا كاتباه وتعرف المندوب في القاهرة حيكون فين -
اما بقى عن المنفذ ومين بظبط - فاحنا عبارة عن كتاب شباب مستقليين بنحاول نقدم حاجة على ادنا يعني مش في اطار مؤسسي- او من خلال جمعيات ولكنه موثق من خلال سجل تجاري ومن وزارة الثقافة - على اساس انه دار نشر كبداية
وحضرتك يعني تنور في اي وقت