Saturday, October 7, 2006

اشعاري في الراكية

ولاجل خاطر البصريين اللي مش بيحبوا يسمعوا الشعر زي البهظ مثالا وليس حصرا ...قررت اني اكتب الحاجات اللي قلتها يوم الجمعة في الراكية ....
وحتلاقوا عن الراكية اكتر في
زي ساحرات الأماني
حلمت أني بطير من غير وتد.. من غير سند ..
حلمت ان شمسية هي اللي رفعاني ..هي اللي شداني
زي الفراشة تمام
فضلت أعلا وأعلا
لقيتني فوق النخيل
ولقتني فوق السحاب بسبح وتلمسني النجوم
ولا فيش ضباب ولا فيش غيوم
كل ده وانا متغطية بالشمسية
مرة تاخدني ومرة تجبني وتوجهني
للضوء الرباني
زي ساحرات الأماني
**
.
.
.
.
.
طبيعي جدا

عن ناس بتعدي وناس مش بتيجي
ناس حفروا جوايا كتير
وناس بخروا كل المواويل
ناس لزقوا طابع بوسطة ( اشتروه من زمان) فوق روحي
وبعتوني ذكرى لأحبابهم
ناس لفوني بسيلوفان
وربطوني بفيونكة .. واتفرجوا عليا
وناس أهدوني لقلوبهم أغنية هادية
عن الناس دي احترت أكتب ولاأغني
تفتكر ختعرف توقف الميل
او تدوس على روحك
عشان تعيش معاهم
بـ " ماسك" طبيعي جدا
.
.
.
.
.

خيط شفاف

لمحت هناك تلك الطيارة الورقية
هي كحياتي تتأرجح في السماء
يحسدونها على حريتها وتحليقها في الهواء
يعتقدون انها سوف تلامس النجوم
أو تختبئ خلف الغيوم
أو تلاعب البدر وهو يحاول الاكتمال
غافلون انهم يقودنها
بخيط شفاف
طيارة ورقية صارت حياتي
تفرح فقط عندما تستوي النسمات
فتؤرجحها في توازن رشيق
وتعود في النهاية لتلك الأرض التي لا تنبسط ابدا
فلا شئ يتراكم في العالم
ولا شئ في العالم ينبسط دوما
.
.
.
.
.
يحدث في اغسطس .
موجودة طبعا على البلوج *
*

الحب والصداقة..معلقات..
نرفعها في أسقف حياتنا ..حتى تنير لنا الدروب
ولكننا إما أن نتركها حتى تلتهمها الأتربة
و إما أن نتعلق بها ..
غافلين أن الأرض ستجذبنا إليها دوما وبكل قسوة

5 comments:

Bahz Baih said...

الحب والصداقة..معلقات
هى أكتر واحده عجبتنى ...بس انا كنت فاكرخا أطول من كده

كان عرض مكنيس...من النوع اللى يخللى الواحد مستكنيس
يلا يا عم الله يسهله

الفيلسوف said...

كانت اول مرة اشوف انتاجكم ..الحقيقة كلامكم كله احساس و مشاعر و ليكم طلة جميلة ..بس لى سؤال و احساس لان الدنيا عقل و قلب ...السؤال ..ليه كبيرة على سنك ؟ و الاحساس ان فيهم شجن كبير مكتوم ..لن يخرجه منك الا احد شيئين ..اما تبنى خطة عمل تفجر طاقاتك الدفينة..او حب حقيقى ؟؟ربما ؟ ده مجرد احساس ..يبعث البهجة!فى زمن ردىء انتم فيه الامل ؟

sword said...

عودة رائعة بعد انقطاع مش طويل اوي..المقطع الاول جميل جدا..و الاخير راااائع

سلمى البنا said...

بهظ بيه
الحب والصداقة --- اولها طويل وانا كنت مدخلاها مع نص تاني -- هي اذن جزء من نص وليس كله
-----
مشكرين للمتابعة

*****
الفيلسوف
شكرا لمتابعتك -- وبدا لي انك اجبت بنفسك على سؤالك- ففي حياتنا دوما ما لا يتسع الوقت لنشرحه - وفي حروفنااكثر من محطة لا تسعها حياتنا دوما
تحياتي
***

دكتور حسام
مبسوطة بتواجدك ومتابعتك
شكرا ليك

Anonymous said...

الفيلسوف و البرنس ..مرادافات للدكتور حسام ..يا اخت سلمى
اتمنى تواصلك مع موقعى و ان كنت انا قاسى القلب اذا قورنت بكتاباتك الرقيقة