tagg again

ايه اللي ممكن تشوفه وتعتبره عامل مشترك اعظم في عالم المدونات ؟
غير العنوان طبعا ؟
التاج او الطربوش على راي بعضهم
طبعا طبعا هو مش حاجة ظريفة خالص زي ما كل واحد بيقول لما بيدا بالاجابة عليه
وده في تحليل البسيط ان الناس بتهرب انها تخللي الناس تعرف اللي جواها لعدة اسباب مفيش وقت ولا طاقة اني اقولها هنا
بس اهو بقالي كتير كل ما ازور مدونة جديدة او شفتها قبل كده بلاقي نفس التاج على رؤوس اصحابها
فقررت عشان انهي فترة التاجات دي بقى
اني ارد عليها وخلاص
وكريم عمر طبعا هو اللي مررها لي

بس نصيحة محدش يصدق معظم الكلام اللي الناس بتقوله عن نفسها في الحالات دي

اسوء وصف للمرء عندما يصف نفسه

ايه اللي هيحصل لإيميلك لما تموت ؟

سؤال عجيب جدا بجد عامل زي متكون بتسال حيحصل ايه لنظارتك لما تموت !!

و*******
اديت الباس وورد لحد قبل كده ؟

مرة اختى استنتجته فغيرته

لأاسمك ؟

سلمى محمد البنا ومشهورة بسلمى البنا

اسم الدلع المشهور وسط اصحابك ؟

مممم مش شرط حاجة معينة ومش شرط برضه تعرفه لاني باعتز باسمي الحقيقي

عمرك ؟24 وشهر

برجك ؟الدلو(برج العظماء)ــ

مجال دراستك ؟

فنون جميلة ديكور-

شخصيتك نوعها إيه ؟

ممم اقدر اوصف نفسي - اني واقعية برومانسية

كمان بتكيف بسرعة الحمدلله مع نوعيات اشخاص مختلفة

ممم ده تقريبا اللي انا فاكراه دلوقتي

السفر بالنسبه لك ؟

انا بحب السفر جدا وسافرت كذا مكان في مصر بس نفسي ربنا يكرمني واسافر بره كمان

المود بتاعك ؟

دلوقتي الموود بتاعي - عااادي هااادي احتمال اكون شوية متفلسفة وحكيمة روحانيية

وقت فراغك بتعمل فيه ايه ؟

الفراغ اللي هو معناه غير وقت الشغل الطبيعي- بحاول اعمل فيه هواياتي في الرسم والقراءة والكتابة بس ده طبعا حسب المزاج لاني ساعات بكون تعبانة مثلا او ليا نفس اتفرج على فيلم

الأكلة المفضلة

عامة صعب يكون فيه حاجة معينة اوي احبها في الاكل - لاني عامة بحب الاكل المطبوخ بعناية و كمان بحب اجرب اختراعات في الاكلات

الصفات اللي خدتها من بابا ؟

ممم احتمال ) يكون عدم الميل لحب المواجهات وطبعا حب الموسيقى و سماعها والفن عامة

مش عارفة احتمال يكون فيه حاجات تانية بس انا مش مركزة فيها

الصفات اللي خدتها من ماما ؟

ممم حاجات كتير لدرجة انهم بيقولا عليا نسخة منها

اكتر 6 حاجات بتكرهها

ان حد يزعل مني ومايقليش

الانتظار - في عيادة دكتور او حد اداني معاد واتاخر عليا واعتقد ان الصفة دي ورثتها من بابا

المبالغات في الشكوى

*الجدال

لما اكون تعبانة اوي ومش عارفة انام

النفاق

كتر 6 حاجات بتحبها ؟

قراءة كتاب ممتع او موسيقى جديدة

التمشية على البحر مع صحبتي او لوحدي في وقت قبل الغروب وبعده على طول

التهييس مع صحاب من زمان مشفتهمش

يوم اعمل فيه حاجات كتير بحبها او مشاوير ضرورية

اساعد حد من صحابي وتطلع حاجة ليها فايدة جامدة

اشوف نتيجة لشغلي ناجحة والناس حباها

الشغل بالنسبه لك ؟

حاجة مهمة اوي - بس على اد ماتاخد مني تديني - و لاني بحب شغلي في الديكور الحمدلله فبشعر فيه بسعادة واتمنى لما اتجوز اعرف اوفق بينه وبين شغل بيتي عشان الاتنين حاجة مهمة اوي في حياتي

ايه الكمبيوتر والانترنت بالنسبة لك ؟

الكمبيوتر مع اني بكره الجلوس ادامه الا انه اصبح كل حاجة في حياتي دلوقتي - بسبب النت ودخولي عليه بشكل دائم سواء لـ شغلي او لهواياتي

فاصبح حاجة مهمة جدا في حياتي دلوقتي

im tagging

zeryab,ensan,ahmad nabil,moh. abo zid, ebrahim sayed el 3arfin ,.... w ay 7ad nefso ye3mel el tag da

خيال ظل

كان يطعم العصافير بقلبي..ـ

عندما يسمع دقات قدومي..ـ

ويسقي زرعه الذي أهمله كثيرا

فيسيل ماؤه ..ـ

ويروي ورود أشواقي

أينما سرنا سويا

كانت تتبعنا ثلاث نجمات .. ويمامة

تلملم حبات التفاح .. المتساقطة من جبيني

و تحرس الفل المزروع في قلوبنا

كانت تغني لنا الصبايا

عندما نمر بين ألعابهن

في الشارع الضيق

...

كانت ايامنا شوق مكتوم

وموسيقى.. و شطرنج وياسمين مبعثر

عندما استحضر ذلك اليوم بالذات

أخال اني لم أر شمسا بعد نهاره

او سماء بعد صفاؤه

واني لم اعش طفولة قبل فرحتي به

و لم اشعر بعده

بحنين في مقدار جنونه

-لقد اصبحت الان من دونك

كخيال الظل

اتحرك بلا ملامح او تفاصيل

فقط مساحات سوداء.....ـ

28/3/2006

happy valentin's for every body

الحب سعادة ترتعش

(جبران)

علاقة

-تماما كالجنين الذي يتخبط في رحم امه معلنا ..رغبته الشديدة في الخروج للحياة .. والنظر لوجه تلك التي حملته تسعة شهور

مثل تلك الام التي تتحمل آلاما كثيرة حتى تصل في نهاية الامر ان ترى جنينها وحلم حياتها يخرجبين يديها فتبثه كل حنينها المخزون ....-

-كلحظة الولادة بما تحمله من ملايين المشاعرو المتناقضة والالام و بما تخفيه من نظرات تكتم ورائها الف حدوتة

أطل وجهك علىَّ

كانت لحظة هادئة من الظاهر صارخة من الداخل

هل اعرفها منذ زمن ام انني لتوي تعرفت اليها"ـ"-

- كعلاقة الام بوليدها وعلاقته بها

كجهلها- عند ولادته- بمواعيد أكله ونومه المريحة وعدم ادراكها لسبب صراخه أو بكاؤه

نتبادل الأدوار انت وانا.. فيما يجول بيننا

اكنت انت وليدي - ام كنت انا طفلتك؟؟!

مع مرور الوقت .. عندما سيكبر حبنا ...عشرة بعد مودة ...ستدرك انت تحديدا متى سأحتاج قربك او بعدك؟ وسادرك انا تماما متى سترغب في عقلي ومتى ستحتاج قلبي؟!ــ

ستائر بيضاء

(1)
كالصفحة البيضاء صارت روحي
منذ عرفك قلبي
كالصفحة البيضاء في الدفتر الجديد
نقف امامها كثيرا
مكتوفي الايدي
لا نجرؤ ان نشوه بياضها
حتى وان كان بالوان قوس قزح
نخشى انسكاب الحبر على اطرافها
ثم تركه لها دون ان تكتمل الأقصوصة...

ولكني اليوم سأترك صفحتى بيضاء
عن عمد
لآن بياضها .. في حد ذاته هو الأسطورة
**
(2)
صرتُ كما روح صبية
تفتح أبواب الأقفاص للحمام الأبيض
كي تحرره ...
فيعود و يحط على جدائلها الطويلة الذهبية
وينام .. ويهدل
مع صوت دقات قلبها المطمئنة
صرتُ مثلها
لا أتحرك كثيرا حتى لا ازعج حمائم
حناني البيضاء النائمة .. بكل هدوء وسكينة
تلك التي حررتها
فارتاحت فوق باب "حبيبي"

(3)
قد يمنع الوقت الان كلام كثير
عن الظهور
ويخفيه خلف ستائر بيضاء شفافة..ـ
تماما
مثل حرملك ينتظر الثورة
قد تجئ الثورة وقد تهطل الأمطار
وتبتل الستائر
ويظل الكلام على حاله
منزويا بعيدا
او
قد تعصف بنا رياح رقيقة
فتبعثر كل أحلامي
التي خبئتها يوما عندك
ونسيتها معك
فتطيرها – مثل ما تطير النسمات
ستائر شرفات الهوى

فتنير لنا وتشف عن مخزون القلب الذي كان خاليا

فملأته انت يا سيد قلبي

مرايات الاخرين 6

عن الحب والزواج كتب جبران خليل جبران في كتابه" النبي"__

الحب:

فاذا احببت ولم يكن بد من ان تساورك رغبات فلتكن هذه رغباتك :

ان تذوب حتى تصبح كالغديرالمنساب ، يشدو لليل بالحانه ، وان تحس الألم النابع من فيض حنان دافق،

وان تتقبل الجرح ينتابك من احاطة ذاتك لمعنى الحب،

وان تبذل دمك عن رضا وابتهاج،

وان تنهض مع الفجر بقلب مجنح ، لتستقبل شاكرا يوما في الحب الجديد

وان تقيل مع الظهيرة مستغرقا في نشوة الحب

وان تعود مع الاصيل الى ماواك يمور صدرك بالامتنان

ثم تخلد الى النوم ، وقلبك يُسبح بمن تهوى وشفتاك تتمتمان بأنشودة الحمد

الزواج

لقد ولدتما معا ، ومعا تظلان الى الابد

ومعا تكونان ، حينما تذهب بأيامكما أجنحة الموت الشهباء

اجل كذلك تظلان معا في سر الله المكنون

ولكن ، فليتخلل التئامكما فسحات

حتى تتيحا لرياح السماوات ان ترقص بينكما.

ليحب احدكما الاخر ن ولكن لا تجعلا من الحب قيدا

بل اجعلاه بحرا متدفقا بين شواطئ ارواحكما

وليملآ احدكما كاس رفيقه وحذار ان تشربا من كأس واحدة

وليعط أحدكما الاخر من خبزه و حذار ان تجتمعا على رغيف واحد

فان اوتار القيثارة مشدودة على افتراق خفقت جميعا بلحن واحد

**

و ليهب كل منكم قلبه لعشيره لكن دون ان يستأثر به ،

فيد الحياة وحدها ان تسع قلبيكما

فان اعمدة المعبد على انفصال تقوم

والسنديان والسرو لا ينمو بعضهما في ظل بعض

مصافحة

وقد اختفى السراب من على أرضي-

و دعيتُ لملامسة النجوم

وملاحقة الفراشات

فليسمح لي قلمي - اولا بمصافحة الحلم - كي اعود